"Дэлхийн бахархал Монгол" номын нээлт боллоо

Ардын хувьсгалын 100 жил, Дархан хот үүсэн байгуулагдсаны 60 жил, Бүгд Найрамдах улс тунхагласны түүхэн ойн баярын өдрийг тохиолдуулан 21 аймаг, нийслэл Улаанбаатар хотын бахархал болох үзэсгэлэнт байгаль, түүх соёлын үнэт 128 өвийг багтаасан “Дэлхийн бахархал Монгол” шинэхэн номын нээлт Дархан хотод боллоо.

Тус номын зохиолчоор Дархан сумын иргэн, Дархан-Уул аймаг дахь “Бид Монгол” Төрийн Бус Байгууллагын тэргүүн МЗЭ-ийн Дархан-Уул аймгийн салбарын гишүүн, яруу найрагч Т.Банзрагч ажиллажээ. Түүний олон жил цуглуулсан баримт, хөдөлмөрийн үр шимээр 21 аймаг, нийслэл хотынхоо түүхэн дурсгалт, онцлог газруудыг энэхүү номоор дамжуулан тольдон харах боломжтой болж байна.

Энэхүү номонд Монгол орны үзэсгэлэнт байгаль, аймаг болгоны бахархалуудыг өөрсдийнх зөвшөөрөл оролцоотойгоор оруулж Монгол, Англи хэл болон Монгол бичгээр хавсран хэвлэж аймаг болгоны аялал жуулчлалын газруудыг утас хаягтайгаар хэвлүүлснээрээ онцлог юм.

Эх орныхоо үзэсгэлэнт байгаль, түүхэн дурсгалт газрууд, соёлын түүхэн өвийг энэхүү номондоо шигтгэж өгсөн нь залуу хойч үедээ танин мэдүүлэх, хайрлан хамгаалуулах, гадаад жуулчдад сурталчлан таниулах зорилготой юм байна. Тус номыг “Аз хур” номын дэлгүүрийн бүх салбаруудад 60.000 төгрөгөөр худалдаалж байна.