Б.Жавхлан: Ковидын төсвийн шалгалтын дүнг удахгүй танилцуулна, нэг ширхэг маскийг 20 000 төгрөгөөр худалдан авсан бол хариуцлага ярина

“Энхийн шүүдэр” ХХК эмнэлгийн ажилчдын хэрэгцээний 17.5:9,5 N95 маскийг БНХАУ-аас 0.5 cent буюу 1424 төгрөгөөр хилээр оруулж ирсэн.

Харин өнгөрсөн оны 11 сарын 11-нд ЭМЯ-нд нэг ширхэгийг нь 20 000 төгрөгөөр бодож 150 000 орчим ширхэгийг 2,9 тэрбум төгрөгөөр нийлүүлсэн байгаа юм.Тухайн үед N95 маскийг 8-10 000 төгрөгөөр нийлүүлэх саналыг компаниуд тавьсан байдаг.

Энэхүү асуудлаар Сангийн сайд Б.Жавхлангаас тодрууллаа. 

Сангийн сайд Б.Жавхлан: Ковидын үеийн төсвийн зарцуулалт дээр хяналт тавьж байгаа байдлыг бид дэмжиж ажиллана. Хэрэв нэг ширхэг бүрийг 20 мянган төгрөгөөр худалдан авсан бол их л харамгүй төсөвт хандсан байна. Үүнийг хамт шалгая. Энэ маскаа ямар шалгуураар авсан, хэзээ яаж зарласан бэ гэдгийг шалгаж үзэх л хэрэгтэй.