Хятад татварыг багасгах бодлого хэрэгжүүлж байна

Хятадын эрх баригчид цар тахлын хорио цээрийн нөхцөлд компаниудад ирж байгаа татвар ба мөнгөн суутгалын хэмжээг багасгах бодлогыг амжилттай хэрэгжүүлж байгаа тухай “Жэнминь жибао” мэдээлсэн байна. БНХАУ-ын Татварын Ерөнхий газрын төлөөлөл энэ талаар мэдэгдэл хийхдээ 2021 оны эхний хоёр улирлын байдлаар Засгийн газар нь компаниудаас авдаг татвар, суутгалыг 910,1 тэрбум юань буюу 142,60 тэрбум доллароор багасгасан тухайгаа мэдэгдсэн байна. 

Одоо гурав дах улирлаас эхлээд үндсэн бараа таваарын үнэ өссөн, үйлдвэрлэлийн зардал нэмэгдсэн зэрэг шинэ нөхцөл байдал үүссэнтэй холбоотойгоор компаниудын зүгээс шинжлэх ухааны судалгаа ба шинэ бүтээгдэхүүн бүтээн туршихад гарсан зардлыг нь ашиг орлогын татвараас нь хасаж тооцож байх бодлого баримтлах болсон тухайгаа албан ёсоор мэдэгджээ.