ЕБС-ИЙН ГАДНАХ ТАЛБАЙГ ТОХИЖУУЛАХААР АЖИЛЛАЖ БАЙНА

Нийслэлийн хэмжээнд бага насны хүүхэд, тэр дундаа ерөнхий боловсролын сургуулийн сурагчид зам тээврийн осолд өртөх явдал буурахгүй байгаа. Үүнээс гадна сургуулийн ойр орчим болон гаднах талбайн тохижилт муутайгаас үүдэн хүүхдүүд хүнд, хөнгөн хэлбэрийн гэмтэлтэй тулгарч байна. Харин энэ онд дунд сургуулиудын гаднах талбайн тохижилт болон хөдөлгөөний аюулгүй байдлыг сайжруулах тал дээр холбогдох байгууллагууд арга хэмжээ авч ажиллахаар болсон. Нийслэлийн Авто замын Хөгжлийн газраас тохижилтын зураг төсөл, төлөвлөгөөг гаргах аж. Үүний үр дүнд сурагчид амь насаа алдаж, осолд өртөх тохиолдол буурах юм. 2017 онд Авто замын сангийн хөрөнгөөр ЕБС орчмын гэрлэн дохио, тэмдэг тэмдэглэгээ, хашага, хурд сааруулагч, гэрэлт самбар зэргийг хийж тохижуулах юм байна. Чингэлтэй дүүргийн 117, 24, 61, 17 дугаар сургуульд нийт 850 сая төгрөгөөр хөдөлгөөний аюулгүй байдал сайжруулах ажлууд хийдэхээр болжээ. Харин 16 дунд сургууль хүүхдэд аюулгүй, ээлтэй орчин бүрдүүлэхээр ажиллаж байна