​Хорио цээрийн дэглэм зөрчсөн мэдээллийг 100 мянган юаниар худалдаж авна

Хятадын Засгийн газар удахгүй эхлэх гэж байгаа Өвлийн олимпын тоглолтын аюулгүй байдлыг хангах үүднээс COVID-19-ийн тархалттай маш хатуу тэмцэх тухайгаа албан ёсоор зарлаад байгаа. Энэ ажлын хүрээнд хил залгаа улс орнууд дах цар тахлын нөхцөл байдлыг маш хатуу хянаж, хөрш улсад корона вирусийн тохиолдол буурахгүй байгаа тохиолдолд хилийн боомтуудаа түр хугацаанд хаах хүртэл янз бүрийн арга хэмжээ авч байна.

Тухайлбал, Хятадтай 4209,3 км урт хилээр залгагддаг ОХУ-д сүүлийн үед корона вирусийн тохиолдлын тоо 40 мянгаас буурахгүй байгаа. Улмаар ОХУ-тай хил залгаа Хятадын нутагт  корона вирусийн тохиолдол хамгийн олноор бүртгэгдэж байгаа аж. Хилийн ойролцоох Хэйхэ хот гэхэд аравдугаар сарын сүүлээр нэг хүн өвдсөн гэж байсан ч хоёр долоо хоногийн дотор өвдсөн хүний тоо 250 давсан. Цаашид энэ мэт байдал үүсэхээс сэргийлэхийн тулд Хэйхэ хотын удирдлага COVID-19-ийн хорио цээрийн дэглэм зөрчсөн талаарх мэдээллийг худалдаж авахаар шийджээ.

Цаашид, хөрш ОХУ-ын хувьд хорио цээрийн хатуу дэглэм сахих заалтыг зөрчин нутгийн иргэдээс хил давж ан хийсэн, загасчилсан, хилээр хориотой ангийн мах оруулж ирсэн зэрэг зөрчлийн талаарх мэдээллийг 100 мянган юаниар худалдан авч байхаар болсон байна. Энэ загасчлах гэж зүгээр нэг оруулаагүй гэдгийг хэлэх хэрэгтэй. Дээр дурдсанчлан ОХУ ба БНХАУ хоорондын хилийн урт 4209 км байгаагаас 3489 км нь гол мөрнөөр явдаг, ердөө 650 км нь хуурай замаар явдаг. Иймд хятад иргэд хоёр улсыг заагласан гол мөрнийг хууль бусаар гаталж загасчлах нь нэлээд түгээмэл үзэгдэл юм байна.