Ч.Энхболд: Элэг дүлий эрхтэн учраас ихэнхи тохиолдлууд хожуу шатандаа оношлогддог

"Зөвлөгөө" булангаар элэгний үрэвсэл, хатуурал, хорт хавдрын шалтгааныг тодрууллаа.

Улсын нэгдүгээр төв эмнэлгийн Сургалт, эрдэм шинжилгээ, инноваци эрхэлсэн дэд захирал Ч. Энхболд: Элэг бол 400 гаруй үүрэгтэй эрхтэн. Хамгийн гол үүрэг нь хоол боловсруулахад оролцдог. Хоргүйжүүлэх, цус бүлэгнүүлэх, цусыг нөөцлөх үүрэгтэй. Элэг нь муудсан хүн хий юм харах, ухаан санаа нь орж гарах тохиолдол бий. Энэ нь элэг хоргүйжүүлэх үүргээ алдчихсан байна гэсэн үг. Дээрээс нь буйлнаас цус гарах, цустай бөөлжих гэх мэт шинж тэмдэг нь элэгний цус бүлэгнэлтэд өөрчлөлт гарсны дохио юм. Элэгний үрэвслийн шалтгаан B C вирус, архи, таргалалт. Элэг дүлий эрхтэн учраас ихэнхи тохиолдлууд хожуу шатандаа оношлогддог. Элэгний хагалгаанд ердөө 30 хувь нь орж бусад нь хагалгаа хийх болоижгүй эцсийн шатандаа орсон байдаг. Тиймээс эрт оношлуулах шаардлагатай байна.