Сэрэмжлүүлэг: Согтуу жолоочийн улмаас бага насны хоёр хүүхэд газар дээрээ амиа алдлаа

Өчигдөр /2021.11.05/ Согтуугаар автомашин жолоодож яваад онхолдсоны улмаас хоёр хүүхэд амиа алдаж, нэг хүүхэд гэмтсэн ноцтой хэрэг гарлаа. 

Тодруулбал, “Дархан-Уул аймгийн "Орхон сумын салдаг гэх газарт тээврийн хэрэгсэл онхолдож хүн нас барсан байна” гэх дуудлага мэдээлэл арваннэгдүгээр сарын 5-ны 15:18 цагт цагдаагийн байгууллагад ирсэн байна. Энэ дагуу шалгахад Иргэн Б приүс маркийн тээврийн хэрэгслийг согтуугаар жолоодож яваад онхолдож, уг машинд зорчиж явсан хоёр, дөрвөн настай хоёр хүүхэд амиа алдаж, таван настай нэг хүүхэд гэмтсэн байна. Осол гаргасан жолоочийн согтолтын зэрэг 3.6 гарсан байна. 

Эрдэнэт хүний амь нас, аюулгүй байдлын өмнө хариуцлагатай хандан согтуугаар тээврийн хэрэгсэл жолоодохгүй байхыг анхааруулж байна.