С.Ганбатыг Р.Чингисээр солих сураг байна

Энэ сарын 15-нд "Зайсан Хилл"-д Камертон хамтлагийн тоглолт болсон. Тоглолтын үеэр 500-600 орчим иргэнийг цуглуулсан гэх мэдээлэл байдаг.

 Цар тахлын нөхцөл байдал амаргүй байгаа энэ үед хариуцлага алдсан Шуурхай штабын даргыг ажлаас нь чөлөөлнө гэж Хотын дарга Д.Сумъяабазар хэвлэлийн хурлын үеэр хэлсэн байдаг. Тэгвэл энэ дагуу Шуурхай штабын дарга Нийслэлийн  Засаг даргын Нэгдүгээр орлогч Р.Чингист хариуцлага тооцож, ажлаас нь чөлөөлсөн байна.

 Харин түүнийг Цагдаагийн Ерөнхий газрын харьяа дотоодын цэргийн штабын даргаар томилогдоно гэх мэдээлэл байгаа юм.

Энэхүү албан тушаалд бригадын генерал Сийлээгийн Ганбат ажилладаг. 

 С.Ганбат гэж хэн бэ?

• Энэ оны тавдугаар сард “Бригадын генерал” цол хүртсэн нь цагдаа, дотоодын цэргийн байгууллагаас төрсөн 16 дахь генерал болсон. С.Ганбат нь цагдаа, дотоодын цэргийн байгууллагад тасралтгүй 35 жил ажилласан туршлагатай. Эрүүгийн цагдаагийн газарт төлөөлөгчөөс авахуулаад, тасаг, хэлтсийн дарга, сүүлд Эрүүгийн цагдаагийн газрын даргаар хүртэл ажиллаж байсан мэргэжлийн эрүүгийн тагнуулын ажилтан юм. Тэрбээр Баянхонгор аймгийн харъяат, Ерөнхийлөгч асан Х.Баттулга, УИХ-ын дарга Г.Занданшатар нарын ойрын хүн гэгддэг. С.Ганбат нь энэ жил МУ-ын Ерөнхийлөгч Х.Баттулгын зарлигаар "бригадын генерал" цолыг хүртсэн. Өнгөрсөн долдугаар сард С.Ганбатыг ТЕГ-аас баривчилж, 461-р ангид цагдан хорьсон байдаг. Тодруулбал, түүнийг төрийн нууц задруулсан, хууль бусаар гүйцэтгэх ажиллагаа явуулсан, үндэслэлгүйгээр хөрөнгөжсөн гэх зэрэг үндэслэлээр шалгасан гэх эх сурвалжийн мэдээлэл бий. 

Хариуцлага алдсан гэх шалтгаанаар ажлаасаа чөлөөлөгдсөн ч албан тушаалын "буухиа" тасардаггүй Р.Чингис гэж хэн бэ?

Түүнийг энэ оны хоёрдугаар сард  Нийслэлийн  Засаг даргын Нэгдүгээр орлогчийн албан тушаалд томилж байв. 

• Чингис нь 1989 онд ОХУ-ын Дотоод явдлын яамны академи төгссөн бөгөөд Эрүүгийн цагдаагийн газарт эрүүгийн төлөөлөгч, ахлах төлөөлөгч, Эдийн засгийн гэмт хэрэгтэй тэмцэх хэлтсийн даргаар ажиллаж байсан.
• 2004 онд АНУ-ын Колорадогийн их сургуулийг төгссөн.
• 2012 онд ЦЕГ-ын дэд дарга, 2014-2016 онд ЦЕГ-ын даргаар ажиллаж байжээ.