ЭМЯ: Халдвараар 0-80 гаруй насны 16 хүн нас барлаа

Өнгөрсөн хоногт Улаанбаатарт 917, орон нутагт 827  халдварын тохиолдол нэмэгдэж нийтдээ 1744 иргэн коронавирусийн халдвараар өвчилсөн нь PCR  шинжилгээгээр батлагджээ.

Мөн хугацаанд 6064 иргэн эдгэрч, эмнэлгийн болон гэрийн ажиглалтаас гарсан ч халдварын улмаас 0-80 гаруй насны 16 хүн нас барсан байна.Ингэснээр халдварын улмаас нийтдээ 1534 хүн эндлээ. 

Өнөөдрийн байдлаар улсын хэмжээнд 18,764 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 51,946 хүн Өрхийн эмчийн хяналт дор гэрээр эмчлүүлж байна гэж ЭМЯ-наас мэдээллээ. 

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

• Хөнгөн – 9323
• Хүндэвтэр- 6900
• Хүнд – 2155
• Маш хүнд – 386 хүн байна.