Сангийн сайд Б.Жавхлан: МУГЖ С.Жавхлан 4 тэрбумыг нэхэж, өгөөгүй тул суулт зарласан

УИХ-ын гишүүн асан, дуучин С.Жавхлан төрийн ордны өмнө суулт зарлаад тав хонож байна. Уг суултыг хийхээсээ өмнө Сангийн сайдтай уулзаж, Засгийн газрын ажлыг "Хамаг монгол" төслөөрөө орон даяараа сурталчилж, өгье. Үүнд дөрвөн тэрбум төгрөг шаардлагатай гэсэн саналыг тавьсан байна. Энэхүү саналыг нь  Сангийн сайд Б.Жавхлан хүлээн зөвшөөрөөгүй тул тэрбээр суулж хийж, Засгийн газрыг огцрохыг шаардаад буй. 

Энэ талаар Сангийн сайд Б.Жавхлангаас тодруулахад тэрбээр " Тийм уулзалт болсон нь үнэн. Өнгөрсөн дөрвөн жил бид УИХ-д хамтарч ажилласан. Цар тахлын энэ үед урлаг соёлын салбарынхан болон аялал жуучлал хүнд цохиолтод байгаа.Энэ хүрээнд бидний уулзалт болсон. Орон даяар урлаг, уран сайхны тоглолт хийхэд зориулж дөрвөн тэрбум төгрөг шаардлагатай байгаа тухайгаа хэлж, Засгийн газар хамтрах боломжтой эсэхийг ярьсан. Төсвийн хувьд үнэхээр боломжгүй учраас С.Жавхлан бухимдсан. Иймэрхүү ажлууд зохион байгуулна гэдгээ ч өөрөө хэлж байсан. Үнэнийг хэлэхэд, жагсаал хийнэ гэж ярьж байсан нь ажил хэрэг болно гэж бодоогүй. Бид төсвөөс урлаг уран сайхныг санхүүжүүлэх боломжгүй. Тийм л зүйл болсон" гэлээ.