Д.Ганбат: Аль болох л АН-д гишүүд маань хэрэгтэй байна

УИХ-ын гишүүн Д.Ганбат Засгийн газрыг огцруулах албан бичгийн дор МАН-тай хэлцэл хийж, гурван сайдын суудал авах гэрээ хийх гэж оролдсон гэж хардаж байгаа талаар О.Цогтгэрэл өчигдөр мэдэгдсэн. Энэ талаар Д.Ганбатаас тодруулахад, тэрбээр АН-д  цар тахлыг даван туулахад сайн ажиллах, чадвартай залуучууд олон бий. Тийм учраас АН-ын залуусыг Засгийн газарт урьж оролцуулж болно шүү гэж би хэлсэн юм. Чадвартай хүмүүсээ Засгийн газарт ажиллуулах шаардлагатай байна" гэв. 

Мөн түүнээс АН гишүүдээ яагаад хасаад байна вэ гэдгийг лавлахад "Би УИХ-ын гишүүнийг бүлгээсээ хасдаг хүн ч биш, надад тэр эрх мэдэл нь ч байхгүй. АН-ын удирдлагуудаас албан бичиг ирүүлсэн. АН бол дүрэмтэй нам. Үндсэн дүрэм  нь Дээд шүүхэд бүртгэлтэй. Үндсэн дүрмийн хороо хуралдаж, холбогдох шийдвэрүүдээ гаргасан. Тухайн шийдвэрээ АН-ын удирдлагууд надад болон УИХ-ын даргад хүргүүлсэн. Түүнийг нь л би танилцуулсан. Өнөөдөр АН найман гишүүнтэй ажиллаж байна. Аль болох л АН-д гишүүд хэрэгтэй байна. Бид эвлэлдэн нэгдэж сөрөг хүчнийхээ дуу хоолойг гаргамаар байна. Хууль бусын эсрэг мөн тэмцмээр байна" гэсэн тайлбарыг өглөө.