Замын-Үүд-Эрээний боомт хаагдсан шалтгаанаар нарийн ногоо 10-20 мянган төгрөгөөр зарагдаж байна

Замын-Үүд-Эрээний боомт хаагдсан тул Монгол Улсад нарийн ногооны хомсдол үүсэж энэ төрлийн худалдаа эрхэлдэг зарим иргэдийн лангуу нь хоосон байна. Түүнчлэн олдоц нь хомс болсон учраас үнэ нь 10-20 мянган төгрөгөөр зарагдаж байгааг худалдаачид хэлж буй. 

Манай улс төмс, лууван, шар манжинг дотоодоосоо бүрэн хангадаг. Харин бусад төрлийн болон нарийн ногоо, жимс, жимсгэнийн нийт хэрэглээний 70 орчим хувийг импортолдог. Тиймээс бүх төрлийн таримлын ургацыг өсгөх зорилгоор энэ онд улсаас жилийн гурван хувийн хүүтэй, 150 тэрбум төгрөг олгосон билээ.

Нарийн ногооны үнэ, ханшийг тодруулахаар "Зариг"-ийн сурвалжлах баг "Барс" захыг зорилоо.