САЙН МЭДЭЭ: Долоон аймагт халдварын тохиолдол бүртгэгдээгүй

Улсын хэмжээнд сүүлийн 24 цагийн хугацаанд 1131 иргэн коронавирусийн халдвараар өвчилсөн нь PCR  шинжилгээгээр батлагджээ.

Шинээр илэрсэн тохиолдлууд бүгд дотоодын халдвар бөгөөд

• 731 нь Улаанбаатар хотод,
• 400 нь орон нутагт бүртгэгдсэн байна.

Мөн хугацаанд 6146 иргэн эдгэрч, эмнэлгийн болон гэрийн ажиглалтаас гарчээ. Харин коронавируст халдварын улмаас 41-80 гаруй насны 14 хүн нас барсан харамсалтай мэдээлэл байна.Өнөөдрийн байдлаар COVID-19 халдварын улмаас нийтдээ 1483 хүн эндээд байна. 

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

• Хөнгөн – 9,391
• Хүндэвтэр- 6,823
• Хүнд – 2,193
• Маш хүнд – 397 хүн байна.

Орон нутагт  Төв аймагт хамгийн олон буюу 65 тохиолдол Сүхбаатарт 54 тохиолдол илэрсэн байна.

Харин  Булган, Баянхонгор, Говь-Алтай, Говьсүмбэр, Өвөрхангай, Увс, Хөвсгөл аймагт халдвар бүртгэгдээгүй бол бусад аймагт 4-47 тохиолдол бүртгэгджээ.