Д.Ганбатыг АН-ын бүлгийн даргаас чөлөөлж, Н.Ганибалд бүлгийн ажлыг хариуцууллаа

УИХ-ын гишүүн Д.Ганбат өнөөдөр мэдээлэл хийж, Н.Ганибал, Ж.Батсуурь нар нь намын эсрэг удаа дараа үйлдэл гаргасан тул намын гишүүнээс дөрвөн жилээр хасах сахилгын шийтгэл оногдуулсан талаар мэдээлэл хийсэн. Тэгвэл эсрэгээрээ Д.Ганбатыг бүлгийн даргаас чөлөөлсөн талаар Н.Ганибал болон УИХ дахь АН-ын бүлгийн бусад гишүүн мэдээлэл хийлээ.

Энэ тухай УИХ-ын гишүүн  Н.Ганибал "АН-ын бүлэг хуваарь ёсоор хуралдаж, бүлгийн хуралдаанаас гарсан шийдвэрийг Н.Ганибал гишүүн танилцууллаа. Бүлгийн хуралд Д.Ганбат оролцоогүй.

 Уг хуралдаанаар  УИХ дахь АН-ын бүлгийн даргаас Д.Ганбатыг чөлөөлж,  бүлгийн даргын ажлыг бүлгийн дэд дарга Н.Ганибалд хариуцуулахаар боллоо" гэв. 

"УИХ-ын тухай хуульд УИХ-ын гишүүн өөрөө хүсэлтээ өгсөн тохиолдолд тухайн бүлгээс гарна. Ямар нэгэн бүлгийн дарга, хэн нэгэн иргэн бүлгээс гарсныг зарласнаар бүлгээс гишүүдийг гаргахгүй гэж хуульд тов тодорхой заасан" гэдгийг мөн тэрбээр тодотголоо.