ШШГЕГ-ын дарга Д.Загджав: 461 дүгээр анги руу халдаж Д.Монголхүүг авч явсан гэдэг нь худал мэдээлэл, бид хүнээ алдаагүй

No Double Standard хөдөлгөөний зохицуулагч Д..Монголхүүг 30 хоног хорих шийдвэрийг шүүхээс гаргасан.

Д.Монголхүү нь гурван удаагийн зөрчлийн хэрэг дээр шалгагдаж буй бөгөөд цагдаагийн байгууллагаас мэдүүлэг авах гээд дуудаж, сануулсаар байхад огт ирдэггүй учраас  эрүүгийн хэрэг хянан шийдвэрлэх ажиллагааны дагуу Прокурорын байгууллагын зөвшөөрлөөр энэ сарын 5-нд баривчлах ажиллагаа явуулсан.

Ингэхэд шөнийн 02:30 цагийн үед иргэн Э.Одбаяр болон бусад нэр бүхий иргэд төрийн онцгой объект буюу Шүүхийн шийдвэр гүйцэтгэх байгууллага, цагдан хорих 461 дүгээр анги руу халдаж орон гэмт хэрэгт шалгагдаж байгаа этгээд буюу иргэн Д.Монголхүүг хүч хэрэглэн авч явсан. Энэ мэт хууль зөрчих үйл ажиллагаа хэрээс хэтэрч байна гэдгийг ЦЕГ-ын дарга Ж.Болд мэдэгдсэн. 

Энэ талаар ШШГЕГ-ын дарга Д.Загджаваас тодруулахад үгүйсгэлээ. Тэрбээр "461 дүгээр анги руу халдаж Д.Монголхүүг авч явсан гэдэг нь худал мэдээлэл, бид хүнээ алдаагүй. Цагдан хорих байрнаас хоригдож байсан этгээд оргон зайлсан асуудал огт гараагүй.