БХБЯ: Орон сууцны нэг метр квадратын үнэ нэмэгдсэн нь материал дагасан өсөлт

Барилгын материалын үнийн асуудлаар БХБЯ-наас мэдээлэл хийлээ.

2020 онд орон сууцны нэг метр квадратын үнэ 2,5 сая төгрөг байсан бол энэ жил 2,7 сая төгрөг болсон нь материал дагасан өсөлт гэдгийг  БХБЯ-ны Орон сууц санхүүжилтийн хэлтсийн дарга Э.Батболд хэллээ.

• арматур болон төмөр хийц 81  хувь
• дулаалгын материал хөөсөнцөр, чулуун хөвөн 92 хувь
• тоосго 52 хувь
• мод 70 хувь тус тус өсөлттэй байна

Эдгээр нь импортын бараагаар ирдэг учраас цар тахлын улмаас гадаад зах зээл дээр төмрийн хүдэр үнэ өссөнтэй, цементийн үйлдвэрт ажилладаг гадны ажиллах хүчин ирээгүй, тээвэр ложистиктой холбоотой өсөлт гэдгийг тодотголоо.

Орон сууцны нийлүүлэлтийн судалгааг хийхэд 2021 оны есдүгээр сард гэхэд 13560 орон ёууц ашиглалтад орсон ба одоо баригдаж байгаа 32 мянган орон сууц байгаагаас 2022 онд 12 мянга нь ашиглалтад орно гэсэн тооцоолол хийжээ.