ЭМЯ: 1566 хүнээс халдвар илэрч, 15 иргэн нас баржээ

Улсын хэмжээнд сүүлийн 24 цагийн хугацаанд зөвхөн PCR шинжилгээ хийлгэсэн 1566 хүнд коронавирусийн халдвар илэрчээ.Ингэснээр Монгол Улсад нийт бүртгэгдсэн тохиолдол 328,304 болов.

Шинээр илэрсэн тохиолдлууд бүгд дотоодын халдвар бөгөөд

• 1107 нь Улаанбаатар хотод,
• 459 нь орон нутагт бүртгэгдэв.

Мөн хугацаанд 6709 иргэн эдгэрч, эмнэлгийн болон гэрийн ажиглалтаас гарсан бол  халдварын улмаас 21-80 гаруй насны 15 хүн нас баржээ.

Өнөөдрийн байдлаар халдварын улмаас улсын хэмжээнд 19,826 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 53,015 хүн Өрхийн эмчийн хяналт дор гэрээр эмчлүүлж байгаа.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

• Хөнгөн – 10613
• Хүндэвтэр- 6665
• Хүнд – 2198
• Маш хүнд – 350 хүн байна.