АНУ нь Украйныг эрчимтэй зэвсэглэж байна

АНУ нь Украйныг гагцхүү Оросын эсрэг гэсэн цор ганц улс болгох төлөвлөгөөгөө амжилттай хэрэгжүүлсээр байна. Энэ төлөвлөгөөний нэг хэсэг нь Украйныг НАТО-д элсүүлэх. Үүний тулд Украйны армийг юуны түрүүнд НАТО-ийн стандартад нийцсэн зэвсэглэлээр хангах. Иймд 2014 оноос эхлэн АНУ нь Украйнд олон тэрбум долларын зэвсэг нийлүүлж байгаа юм. Өчигдөр гэхэд АНУ-ын цэргийн тээврийн онгоц Украйнд өндөр нарийвчлалтай сум, радио локацын тоног төхөөрөмж гээд нийт 60 сая долларын зэвсэглэл хүргэж иржээ. Украйны Батлан хамгаалах яамнаас энэ талаар гаргасан мэдэгдэлд “Өмнө нь тохиролцсон 250 сая долларын зэвсэглэлээс гадна Украйн нь Америкийн түншүүдээсээ эмнэлгийн тоног төхөөрөмж, зэвсэг, сум хэрэгсэл, өндөр нарийвчлалтай зэвсэглэл, радио локацын тоног төхөөрөмж гээд 60 сая долларын зэвсэглэл хүлээн авлаа” гэжээ.

 Украйн нь 2014 оноос хойш АНУ-аас нийт 2 тэрбум гаруй долларын зэвсэглэл тусламж хэлбэрээр хүлээн аваад байгаа юм.