Ц.Билэгтсайхан: Халдварын давлагаа оргил үедээ ирсэн, дельта хувилбарын эзлэх хэмжээ 90 хувиас дээш байна

Өнөөдөр /2021.10.08/ Эрүүл мэндийн яамнаас коронавируст халдварын нөхцөл байдлын талаар мэдээлэл өглөө. Өнөөдрийн мэдээллээр Ковид-19 вакцины нэмэлт тунд хамрагдах иргэдийн тоо хангалтгүй байна. Тиймээс иргэдийг нэмэлт тундаа хамрагдахыг уриалж байна гэдгийг хэллээ. 

ХӨСҮТ-ийн захирал Ц.Билэгтсайхан "Халдварын тархалтын гурав дахь давлагаа оргил үедээ ирсэн байна" гэдгийг онцоллоо. Гурав дахь давлагаа дельта хувилбар байна. Учир нь нийт илрэх тохиолдолд дельта хувилбарын эзлэх хэмжээ 90-ээс их хувь байна. Альфа хувилбараар халдварлаж өвдсөн хүн дараа нь дельта хувилбар авч өвдөж болно. Одоо тархалтын тоо буурах ерөнхий төлөвтэй байна" гэдгийг хэллээ.