ЗГ: "Тавантолгой түлш" ХХК-ийн өнөөгийн байдлыг хэлэлцэж байна

Засгийн газрын ээлжит хуралдаан болж байна. Хуралдаанаар 17 асуудал хэлэлцэхээр төлөвлөжээ. Хуралдаан бүрийн эхэнд коронавирусийн нөхцөл байдал, авч хэрэгжүүлж буй хариу арга хэмжээний талаар, Эдийн засгийг дэмжих шинэ сэргэлтийн бодлогын талаар, Авлигын төсөөллийн индексийг бууруулах Ажлын хэсгээс авч хэрэгжүүлсэн арга хэмжээний талаар танилцуулдаг уламжлалтай.

Үүний дараа хэлэлцэх бусад асуудалдаа ордог. Өнөөдрийн хуралдаанаар Орон сууц хувьчлах тухай Засгийн газрын тогтоолын төсөл,

•  Консулын газрын орон тоо, цалин тогтоох, нэгжийг батлах тухай Засгийн газрын тогтоолын төсөл,
• Газрыг улсын тусгай хэрэгцээнд авах тухай Засгийн газрын тогтоолын төсөл,
• Улаанбаатар хотын түгжрэлийг бууруулах ажлын явцын талаар,
• Орон нутгийн хөрөнгө оруулалтын талаар Засгийн газрын Хэрэг эрхлэх газрын даргын төсвийн багцад төлөвлөгдсөн орон нутгийн хөрөнгө оруулалтын талаар,
• "Тавантолгой түлш" ХХК-ийн өнөөгийн байдал, цаашид авч хэрэгжүүлэх арга хэмжээний талаар,
• Тавантолгой цахилгаан станц төслийн явцын талаар зэрэг асуудлыг хэлэлцэнэ. 

Түүнчлэн Засгийн газрын хуралдаанд дөрвөн нууц асуудал хэлэлцэх юм байна.