Д.Тогтохсүрэн: Үндсэн хуульд дахин өөрчлөлт оруулах асуудал яригдаагүй

Эрх баригч МАН-ынхан Үндсэн хуульд дахин нэмэлт,  өөрчлөх талаар ярилцаж эхэлсэн гэх мэдээлэл бий. Энэ талаар УИХ дахь МАН-ын бүлгийн дарга Д.Тогтохсүрэнгээс тодрууллаа. Тэрбээр "Үндсэн хуульд нэмэлт, өөрчлөлт оруулах шаардлага бий юу гэвэл бий. Парламентын тогтолцоог боловсронгүй болгох шаардлага мөн бий. Гэхдээ Үндсэн хуульд нэмэлт, өөрчлөлт оруулъя гээд шууд  хийчихдэг зүйл биш. Нэгдүгээрт, ард түмэн дэмжих ёстой. Бид өнгөрсөн 2019 онд Үндсэн хуульд нэмэлт, өөрчлөлт оруулахдаа олон жил ярьж ард түмний дэмжлэгийг авч байж оруулсан. Хоёрдугаарт, Үндсэн хуулийн өөрчлөлтийг улс төрийн намууд зөвшилцөж ойлголцдог ийм онцлоготой хууль. Энэ хоёр нөхцөл бүрдсэн тохиолдолд Үндсэн хуульд өөрчлөлт оруулах асуудал яригдана. Одоогоор энэ асуудал яригдаагүй" гэлээ.