Б.Пүрэвдорж: Би сэтгүүлчийг шүүхэд өгөхгүй гэж ам гарсан

Өчигдөр /2021.09.28/ Парламентын сэтгүүлчид эсэргүүцэл илэрхийлсэн.

Тодруулбал, Төрийн ордонд сэтгүүлчдийг нэг газарт хорьж, мэдээлэл хаалттай байгаа учраас Төрийн ордонг сэтгүүлчдэд нээлттэй болгохыг шаардсан юм.

Тэгвэл уг асуудалтай холбогдуулан УИХ-ын гишүүн Б.Пүрэвдорж дараах зүйлийг бичжээ.

Тэрбээр "Би сэтгүүлчийг шүүхэд өгөхгүй гэж ам гарсан. Тиймээс намайг элдэв хэрэгт гүтгэж доромжилдог ч би хууль хяналтын байгууллагад хандаагүй. Яагаад гэвэл сэтгүүлчдийн зүрх зоригийг мохоож болдоггүй, мохсон зүрхтэй худалдагдсан сэтгүүл зүйтэй болбол Монголын ардчилал сөнөнө. Арчаагүй эрх баригчид хулгай луйвраа нуухын тулд сэтгүүлчдийг ордон оруулахгүй, хааж боож байгааг эсэргүүцэж байна" гэжээ.