МУНЗУЙ Д.НЯМДОРЖИД ЯЛЛАХ ДҮГНЭЛТ ҮЙЛДЭЭД БАЙНА

2016 оны 05 дугаар сарын 15-ны өдөр Баянзүрх дүүргийн 3 дугаар хорооны .. дугаар байрны ... тоот БНХАУ-ын хөрөнгө оруулалттай "Чэн Шинь Гоу Минь" ХХК-ийн ажлын байранд БНХАУ-ын ӨМӨЗО-ны иргэн Д.Т хүч хэрэглэж "550.000 юанийг хувьдаа завшсан" гэж зөвшөөрөхийг шаардан, "нохойд идүүлж, бетонд зутгаж ална, эхнэрийг чинь хүчиндүүлнэ, чамд ямар байхыг харуулна, нэр хүндийг нь гутаасан мэдээ баримт тараана" гэх зэргээр өөрт нь болон ойр дотны хүнд нь хүч хэрэглэхээр заналхийлсэн Мунзуй хочит Г.Нямдорж нарын шүүх хурал өглөө 08:30 цагт Баянгол дүүргийн эрүүгийн хэргийн анхан шатны шүүх эхэлсэн. Хурал хаалттай болсон бөгөөд хохирогч ирээгүйн улмаас шүүх хурлыг ирэх сарын 15-ны өдрийн 08:30 цаг хүртэл хойшлуулсан байна.

Хэрэгт Д.Мунзуй нь хамтрагчаар оролцсон бөгөөд 550.000 юань /Монгол төгрөгт хөрвүүлбэл 168.888.500 төгрөг/ буюу онц их хэмжээний мөнгийг авахаар далайлган сүрдүүлсэн гэмт хэрэгт хохирогч Д.Т-ийг зодох, хүч хэрэглэхээр заналхийлэх, айлгах, манаж хонох хүн олох зэргээр дэмжлэг үзүүлжээ.

Үүнээс гадна Мунзуй Г.Нямдорж С.М-тай бүлэглэн ӨМӨЗО-ны иргэн Д.Т-ийн хүсэл зоригийн эсрэг хүч хэрэглэхээр заналхийлэн, тохуурхан доромжилж "бэлэг эрхтэнээ бариулан хөхөхийг шаардаж" бэлгийн дур хүслээ ёс бусаар хангасан гэмт хэргийг гардан гүйцэтгэсэн нь нотлогдоод. байгаа.

Улмаар энэ хэрэг шалгагдаж байхад буюу Эрүүгийн 201601000028 дугаартай хэрэгт яллагдагчаар татагдан, 2016 оны 10 дугаар сарын 21-ний өдөр батлан даалтанд өгөх таслан сэргийлэх арга хэмжээ авагдсан байхдаа 2016 оны 10 дугаар сарын 24-нөөс мөн оны 11 дүгээр сарын 14- ний өдрийг хүртэл мөрдөн байцаалтаас зориуд зайлсхийсэн бөгөөд ОХУ руу оргон зайлахаар төлөвлөөд байсан түүнийг 2016.11.14-ны өдрийн 03:00 цагийн орчим Хэнтий аймгийн нутаг Норивлин сумаас саатуулсан.

Түүний энэ бүх үйлдэлд Эрүүгийн хуулийн 149.3, 125.2, 261.1-р зүйлд заасны дагуу яллах дүгнэлт үйлдээд байгаа аж.