ЭМЯ олон нийтийн арга хэмжээг хязгаарлаж өгөхийг дахин хүсчээ

 Нийслэлийн Засаг дарга Д.Сумъяабазар аравдугаар сарын 1-ний өдрөөс эхлэн нийслэл хотын хэмжээнд соёл, урлагийн үзвэр, үйлчилгээг нээхийн дээр үйл ажиллагааг нь хязгаарлаад байсан зарим үйлчилгээг 50 хүртэлх хувийн хүчин чадалтайгаар ажиллуулахаар болсон. 

Энэ тал дээр ЭМЯ ямар байр суурьтай байгаа вэ гэдгийг тодруулахад "ЭМЯ-аас тодорхой хэмжээний хязгаарлалт хийх хүсэлтээ өгсөн гэсэн тайлбарыг өглөө.  ХӨСҮТ мэргэжлийн байгууллагын хувьд долоо хоног тутам  санал, дүгнэлтээ УОК-т хүргүүлдэг. Үүнд нийтийг чиглэсэн олон нийтийн арга хэмжээг хориглох саналыг удаа дараа хүргүүлсэн. Өмнө нь гурван хүний нэг нь дельтагаар халдварлаж байсан бол одоо гурван хүн тутмын гурав нь дельтагаар өвчилж буй. Өөрөөр хэлбэл өдөрт илэрч байгаа нийт халдварын 90 орчим хувь нь  дельта хувилбар бүртгэгдэж байгааг албаныхан хэлсэн. Тиймээс олон нийтийн үйл ажиллагааг хязгаарлах шаардлагатайг сануулж буй. Нийтэд чиглэсэн хариу арга хэмжээг авахгүй бол дөрвөн долоо хоногийн дараа халдварын тоо даруй хоёр дахин нэмэгдэнэ гэсэн тооцоолол гарсан. Өнөөдөр 4000-5000 орчим халдварын тохиолдол илэрч байгаа бол энэ нь 10 мянга болж өснө" гэж ХӨСҮТ-ийн захирал Ц.Билэгтсайхан хэлж байсан билээ.