Шатахуун олж ирэхээр ОХУ-ыг зорьсон айлчлалын бүрэлдэхүүнд ХЭН, ХЭН багтав

Манай улсад шатахууны хомсдол үүссэнтэй холбоотойгоор холбогдох албаныхан энэ Лхагва гаригт ОХУ-ыг зорьж,  "Роснефть компанитай уулзалт хийж буй. Уулзалт энэ сарын 25-ныг хүртэл үргэлжлэх бөгөөд энэ сард 1500 тонн 92 бензин, аравдугаар сард 44 мянган тонн 92 бензин мөн энэ сард ачигдаагүй байсан 10 мянган тонн 92 бензин авахаар хоёр тал одоогоор тохиролцоод байна. ОХУ-ын тал манайхтай хийсэн гэрээгээр хамгийн багадаа 28 мянган тонн АИ-92 нийлүүлнэ гэж тохирсон байдаг ч  бууруулж, 17 мянган тонн АИ-92 өгөхөө энэ сарын эхээр манай талд мэдэгджээ. Гэвч одоогоор үүнээс 7 мянган тонн АИ-92 орж ирсэн юм.

Тус  уулзалтад манай талаас:

• Уул уурхай, хүнд үйлдвэрийн яамны Газрын тосны бодлогын газрын дарга Б.Анхбаяр,
• Ашигт малтмал, газрын тосны газрын тосны бүтээгдэхүүний хэлтсийн дарга Н.Энхцогт,
• Монголын газрын тосны бүтээгдэхүүн импортлогчдын мэргэжлийн холбооны тэргүүн “Шунхлай” ХХК-ийн гүйцэтгэх захирал Ж.Мөнхнаран,
• Монголын нефть хийн Үндэсний ассоциацийн тэргүүн, “Магнай Трейд” ХХК-ийн гүйцэтгэх захирал Д.Алтан-Очир,
• “Петровис ойл” ХХК-ийн ерөнхий захирал О.Содбилэг,
• “Содмонгол групп” ХХК-ийн тээвэр ложистик хариуцсан захирал Н.Ангар,
• “Тэс петролиум” ХХК-ийн гүйцэтгэх захирал Ц.Майдар,
• “НИК” ХХК-ийн гүйцэтгэх захирал Н.Наранбат,
• “НИК” ХХК-ийн импорт, гадаад худалдаа хариуцсан захирал О.Билгүүн,
• “Лекс Ойл” ХХК-ийн гүйцэтгэх захирал Э.Индра,
• “Роснефть Монголия” ХХК-ийн гүйцэтгэх захирал Д.Ганбаатар,
• “Роснефть Монголия” ХХК-ийн менежер Б.Эрдэнэбаатар нар оролцож байна.