Ч.Өнөрбаяр: Засгийн газарт ёолкны модны чимэглэл шиг сайд нар олон байна

УИХ дахь АН-ын бүлгээс Засгийн газар, Ерөнхийлөгчид шаардлага хүргүүлээд байна.

Тодруулбал, АН-ын бүлгийн мэдээлж байгаагаар шатахуун хомсдоод байгаа асуудалд МУ-ын Засгийн газар ажлаа хийж чадаагүйгээс болсон хэмээн мэдэгдлээ.

Мөн ковиын халдвар өдөрт 3000 давж бүртгэгдэж байгаа нь Ерөнхийлөгч У.Хүрэлсүх сонгуулийн үеэр олон хүн цуглуулсан, мөн Засгийн газар вакцинаа хугацаанд хийж чадаагүйгээс халдварын тохиолдол огцом өссөн талаар онцоллоо. Тиймээс АН-ын бүлгээс Ерөнхийлөгч, Засгийн газарт шаардлага хүргүүллээ. Аравдугаар сарын 01-ны өдөр үүсээд буй нөхцөл байдлыг эсэргүүцэж "Одоо боллоо" уриатайгаар төв талбайд иргэдийг цуглаж үзэл бодлоо илэрхийлэхийг уриалав.