Өнөөдөр 34 цэгт 4012 иргэнийг дархлаажуулна

Энэ сарын 22-ны өдөр нийслэлийн хэмжээнд I тунд 161, II тунд 462, нэмэлт сэргээх тунд 2145, нийт 2768 иргэнийг дархлаажууллаа. Вакцинжуулалт эхэлснээс хойш нийслэлийн нийт хүн амын I тунгийн хамралт 74.5 хувь, II тунгийн хамралт 70.5 хувь, нэмэлт тунгийн хамрагдалт 15 хувь байна.

 Зорилтот бүлгийн буюу 2886 (24.2 хувь) жирэмсэн эх, 12-15 насны 66099 (74.4 хувь), 16-17 насны 26044 (76.9 хувь) хүүхэд тус тус дархлаажуулалтын бүрэн тунд хамрагдлаа гэж Нийслэлийн онцгой комиссоос мэдээлсэн байна.

 Харин өнөөдөр /2021.09.23/ Улаанбаатар хотод суурин 34 цэгт 55 багийн 272 эмч, ажилтан ажиллаж, 4012 иргэнийг дархлаажуулахаар төлөвлөжээ. Дархлаажуулалтын цэгүүд 09:00-17:00 цаг хүртэл ажиллана. Тэдгээр цэгийг дүүрэг тус бүрээр танилцуулж байна.