"Зах зээлийн хуулиараа АИ-92 ₮2,200 байх байсан боловч Засгийн газар үнээ барь гэсэн"

Уул уурхай, хүнд үйлдвэрийн яам, Ашигт малтмал, газрын тосны газар болон шатахуун импортлогч аж ахуйн нэгжүүд хамтран мэдээлэл хийлээ. 

Энэ үеэр Петровис ХХК-ийн төлөөлөл мэдээлэв.

Тэрбээр "Петровис компани АИ-92 бензинийг 2050 төгрөгөөр борлуулж байна. Өртгөөсөө 123 төгрөгийн алдагдалтай үнээр борлуулж байгаа гэсэн үг. Өнөөдрийг хүртэл зөвхөн АИ-92 бензинтэй холбоотойгоор 28 тэрбум төгрөгийн алдагдалд орсон. Зах зээлийн хуулиараа явбал АИ-92 2200 төгрөг дээр очих ёстой. Засгийн газраас цар тахал, нөгөөтэйгүүр нийгмийн хариуцлагын хүрээнд үнээ барь гэж байгаа. Түүний дагуу барьж байна.

Өнөөдрийн нөөцийн нөхцөл байдал нь магадгүй үнээ барьж байгаатай холбоотой. Бид бензин авах бэлэн мөнгөгүй болж сүүлдээ байгаа бүх мөнгөөрөө БНХАУ руу захиалга хийсэн. Нийтдээ 20 мянган тонн шатахууны захиалга хийсэн ч шатахуунаа хүлээж аваагүй байна.