ЭМЯ: Цусаар бөөлжсөн гэх иргэн нь ходоодны шархтай, ковидын шинжилгээний хариу нь эерэг гарсан

Өчигдөр /2021.09.14/ орой СХД-ийн 22 дугаар хорооны иргэн ковидын халдвар авч, цусаар бөөлжсөн гэх мэдээлэл олон нийтийн сүлжээнд тархсан.

Бид уг асуудлаар ЭМЯ-наас тодруулахад, тухайн иргэн нь ходоодны шархтай гэх шалтгаанаар эмнэлгийн байгууллагад хандаж коронавирусийн шинжилгээний хариу нь эерэг гарсан гэв.  Мөн иргэн нь ходоодны шархтай учир ходоодноос цус алдсан гэх мэдээллийг өглөө.

Харин олон нийтийн сүлжээнд тавигдсан бичлэгт иргэний ярьснаар СХД-ийн иргэн цусаар бөөлжөөд байна гэх дуудлага өгч, эмнэлгийн байгууллагад хандсан ч тусламж ирэхгүй байна гэх мэдээллийг хэлж байсан юм.

Бид дахин энэ асуудлаар мэдээллийг тодруулан хүргэнэ.