ЭМЯ: 2351 хүнээс халдвар илэрч, 10 иргэн нас барлаа

Сүүлийн 24 цагийн хугацаанд 2351 хүнээс коронавирусийн халдвар илэрлээ.Ингэснээр нийт бүртгэгдсэн тохиолдол 257770 болж нэмэгдэв.

Шинээр илэрсэн тохиолдлууд бүгд дотоодын халдвар бөгөөд

• 1071 нь нийслэл хотод,
• 1280 нь орон нутагт бүртгэгджээ.

 Халдварын улмаас 41-80 гаруй насны 10 хүн нас барсан харамсалтай мэдээлэл байна. Өнөөдрийн байдлаар уг өвчний хүндрэлээр нийтдээ 973 хүн эндлээ.

Өнгөрсөн хоногт 4543 иргэн эдгэрч, эмнэлгийн болон гэрийн ажиглалтаас гарчээ.

Талийгаачдын гэр бүл, төрөл төрөгсдөд гүн эмгэнэл илэрхийлье.

Одоогоор коронавируст халдварын улмаас улсын хэмжээнд 21,673 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 41,534 хүн Өрхийн эмчийн хяналт дор гэрээр эмчлүүлж байгаа.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

• Хөнгөн – 14,090
• Хүндэвтэр- 5,615
• Хүнд – 1,682
• Маш хүнд – 286 хүн байна.