Өмнөговь аймагт 14 хоногийн хатуу хөл хорио тогтоохоор болжээ

Өмнөговь аймагт хатуу хөл хориог маргааш өглөөний 06:00 эхлэн есдүгээр сарын 24-ний 06:00 хүртэл тогтоохоор болжээ. Ийн хөдөлгөөний хязгаарлалт тогтоож, хариу арга хэмжээг эрчимжүүлэх хүрээнд дээрх хугацаанд нийтдээ хэд хэдэн зохицуулалт хийгдэх юм байна. Тухайлбал, нутаг дэвсгэрийн хэмжээнд иргэдийн хөдөлгөөнийг 18:00 цагаас 05:00  цагийн хооронд бүрэн хязгаарлах, сургууль, цэцэрлэг бүх төрлийн сургалтын байгууллагын үйл ажиллагааг бүрэн цахимд шилжүүлэх юм байна. 

• Бүх хичээл, сургалт цахимаар хичээллэнэ.
• Аймаг, сум, cуурин газраас зөвшөөрөгдсөнөөс бусад орох гарах хөдөлгөөнийг хязгаарлана.
• Нутаг дэвсгэрийн хэмжээнд орой 18 цагаас өглөө 05.00 цаг хүртэл иргэдийн хөдөлгөөнийг бүрэн хязгаарлана.
• Төрийн байгууллагууд 09.00-16.00 цаг хүртэл ажиллана.
• Зөвшөөрөгдсөн үйлчилгээ 07.00-17.00 хооронд ажиллана.
• Хүнс, шатахуун, эм, эмнэлгийн хэрэгсэл, барилга, уул уурхай, эрчим хүч бүтээн байгуулалтын ачаа тээвэрлэх хүсэлтийг АОК.системээр зөвшөөрөл өгнө.
• Харьяалалын бус иргэдийг нэвтрүүлэхгүй.
• Уул уурхайн ээлж солих ажиллагааг журмын дагуу зохион байгуулна.
• Нэг дор 5-аас илүү хүний бөөгнөрөл үүсгэхгүй байх журмыг мөрдөх юм байна.