ЭМЯ:Цаашид нийслэлд өдөрт халдварын тохиолдол 900-гаас дээш бүртгэгдэнэ

Эрүүл мэндийн яамнаас ээлжит мэдээллээ хийж байна. 

ХӨСҮТ-ийн дэд захирал Ж.Байгалмаа: Наймдугаар сарын дундаас эхлэн халдварын тохиолдол нэмэгдэж эхэлсэн. Сүүлийн долоо хоногт өдөрт бүртгэгдэх халдварын тоо огцом нэмэгдэж 3000-аас дээш бүртгэгдэж байна.Нийслэлд мөн халдварын тархалт нэмэгдэж байна. Нийт авсан шинжилгээнд эерэг илрэх хувь нь 10 орчим байсан бол сүүлийн долоо хоногт 20 хувь болж нэмэгдсэн. Орон нутгийн өвчлөлийн тухайд халдварын тархалт өндөр хэвээр байна. Нийт бүртгэгдэж буй тохиолдлын 70 гаруй хувь нь орон нутагт бүртгэгдэж байна. Архангай, Баянхонгор, Булган, Өвөрхангай, Говь-Алтай, Дархан-Уул, Дорноговь, Дорнод, Сэлэнгэ, Увс, Ховд аймагт халдвар өндөр байна.

 Ирэх 14 хоногт Улаанбаатар хотод нэг өдөрт бүртгэгдэх шинэ тохиолдлын тоо 900-гаас дээш гарна гэж тооцоолсон. Дүүрэг сум аймгууд дахь эерэг сорьцуудад дельта вирусийг илрүүлэх шинжилгээ хийж байна. Сүүлийн долоо хоногт дельта вирус илрүүлэх шинжилгээ 35 хувьд хүрсэн. 

 5-11 насны хүүхдийн өвчлөл хамгийн өндөр хувийг эзэлж байна. Маш хүнд онош 1.6 хувь болж буурсан бол хүндэвтэр өвчлөх хүмүүсийн тоо нэмэгдэж байна. Нас баралт буурсан.