Андлалын хөшөөг буулгаж, оюуны өмчийг Өвөрмонголд худалдахаар болжээ

Ш.АДЪЯАМАА

2021/08/26

Их Эзэн Чингис хааны үнэнч анд Хөлөг жанжин Боорчийн өлгий нутаг Хэнтий аймгийн Батноров суманд баригдсан Андлалын хөшөөг нурааж эхэлсэн байна. "Зариг" энэ талаарх мэдээллийг газар дээрээс нь хүргэхээр ажиллаж байна.

МУСГЗ зураач Д.Эрдэмбилэг агсан нас барахаасаа өмнө хийсэн Андлалын өргөө бүтээлийн оюуны өмчийг ашиглах эрхийг Монгол Улсад хэнд ч өгөхгүй байх шийдвэрийг гэр бүлийнхэн нь гаргасантай холбоотойгоор тус хөшөөг нурааж буй.

Д.Эрдэмбилэг агсан уг хөшөөний гадаад хэсгийг цэвэр өөрийн гараар хийх ёстой байсан ч тэрээр уг бүтээлийнхээ гүйцэтгэлийг үзэж чадаагүй бурхан болсон юм. Хөшөөний талаар сошилд хүчтэй шүүмжлэл өрнөсөнд талийгаачийн гэр бүлийнхэн эмзэглэж, оюуны өмчөө ашиглуулахаас татгалзжээ. Мөн энэхүү оюуны өмчөө Өвөрмонголд худалдаж байгаа бөгөөд үүгээрээ улсын төсвөөс авсан мөнгөө эгүүлэн төлж улсыг хохиролгүй болгох аж.

Хөшөөний суурин дээр Д.Эрдэмбилэг агсны шавь нар болон Нутгийн зөвлөл хамтарч цогцолбор барихаар төлөвлөжээ. Ийн бүтээл цааш баригдах боломжгүй болсон тул уг төслийг хэрэгжүүлэгч компани ажлаа зогсоож, улсаас авсан 1,9 тэрбум төгрөгийг эгүүлэн төлж хохиролгүй болгох юм байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна