Рио-ийн зуны Олимпын тоглолт оролцсон Ираны тамирчид алтан медаль авбал 250 мянган доллар, мөнгөн медаль 70 мянган доллар, хүрэл медальд 30 мянган долларын мөнгөн урамшуулал авч байжээ. Рио-д Ираны тамирчид 3 алт, 1 мөнгө, 4 хүрэл медаль авсан бөгөөд үүндээ нийт 940 мянган долларын урамшуул авсан. Энэ жилийн Олимпын медальтнууддаа хэдий хэмжээний мөнгө урамшуулал олгосон нь тодорхойгүй байна.
Дашрамд сонирхуулахад Ираны хувьд 2004 оны Олимпын тоглолт дээр дараа нь олны анхаарлыг маш ихээр татсан нэг үйл явдал болсон. Зарим талаар манай тамирчин Моллайн амаргүй хувь тавилантай төстэй ч гэж болохоор. Тухайд үед дэлхийн хоёр удаагийн аварга Араш Мирэсмаэли жин үзэх үеэр хоёр кг-аар жингээ хэтрүүлээд барилдаж чадаагүй. Тухайн үед IJF нь жин хэтрүүлсэн явдлыг санаатайгаар хийсэн гэж үзээгүй ч хожим нь Араш Мирэсмаэлийг Израйлийн тамирчин Эхүд Вакстай барилдахаар болсныг мэдээд эрх баригчдын зүгээс түүнд дарамт шахалт үзүүлж барилдахаас татгалзахыг шаардсан байсан. Ингээд Араш Мирэсмаэли арга буюу хүчинд автан жингээ хэтрүүлсэн гэсэн шалтаг зааж Израйлийн тамирчинтай барилдалгүй ялагдсан. Хожим нь Ираны удирдлага түүнийг чих зөөлөн байж далай газар далд орж, далласан газар ил гарсан гэж 125 мянган доллароор урамшуулсан тухай мэдээ явж байсан. Мөн Араш нь 2019 оноос Ираны Жүдо бөхийн холбооны Ерөнхийлөгчөөр томилогдон ажиллаж байгаа.
Харин Моллай нь спортын талаар “а”-ч байхгүй шашны хэнээтнүүдийн хэлснээр далд орж явахыг хүссэнгүй, зарчимч зан гарган үнэн байдлыг илчилсэн анхны Иран тамирчин болсон юм.
Улс болгон Олимпын алтан медальтнуудаа боломжийн хэрээр урамшуулахыг хичээж байдаг. Жишээлэхэд, ОХУ-ын хувьд Токио-2021-ээс алтан медаль авсан тамирчиндаа 4 сая рубль, мөнгө медалийн төлөө 2,5 сая рубль, хүрэл медаль 1,7 сая рублийн мөнгөн шагнал олгоно. Энэ бол зөвхөн холбооны түвшний шагнал бөгөөд орон нутгийн удирдлагууд мөн адил чамлахааргүй мөнгөн шагнал олгодог. Үүний дээр Олимпод амжилттай оролцсон тамирчид ОХУ-ын Ерөнхийлөгчийн стипенд гэж сар бүр 52 мянган рубль авдаг.
Казахстан нь алт авсан тамирчиндаа 250 мянган доллар, мөнгөн медаль авбал 150 мянган доллар, хүрэл медальд 75 мянган доллар өгсөн.
Харин БНХАУ-ын тамирчид Олимпын медальтнууддаа хэдийг өгдөг нь нууц. Ганц удаа л 2008 оны Олимпын тоглолтын үеэр медальтнууддаа 50 мянган доллартой дүйцэх мөнгөн шагнал өгсөн тухай мэдээ сонсогдоод чимээгүй болсон.
Улс А М Х
Сингапур 744 372 286
Хонконг 644 322 161
Казахстан 256 150 75
Малайз 241 72 24
Итали 213 107 71
Филиппин 200 99 40
Унгар 167 125 96
Украин 125 80 55
ОХУ 61 38 26
Франц 65 25 15
Бразиль 49 29 20
Япон 45 18 9
АНУ 37 22 15
Өмнөд Африк 37 19 7
Герман 22 17 11
Канад 16 12 8
Австрали 15 11 7
Улаанбаатар °C 
Сэтгэгдэл (0)
Сэтгэгдэл бичигдээгүй байна