Дэлхийн шилдэг гурван орны туршлагаар Монгол Улс нэрлэгдэж, ДЭМБ-д илтгэл тавина

Монгол Улс 2021 оны хоёрдугаар сарын 21-нээс иргэдээ дархлаажуулж эхэлсэн. Дархлаажуулалтад БНЭУ-д үйлдвэрлэсэн “Астра Зенека”, БНХАУ-ын “Синофарм”, ОХУ-ын “Спутник-V”, Япон Улсын “Файзер” вакциныг ашиглаж байгаа. Өнөөдрийн байдлаар Монгол Улсын нийт хүн амын 68.3 хувь нь дархлаажуулалтын нэгдүгээр тундаа хамрагдсан бол 62.5 хувь нь хоёрдугаар тунгаа тариулжээ. Энэ нь 2.033 сая иргэн дархлаажуулалтад бүрэн хамрагдсан гэсэн үг. 12-15 насны хүүхдүүдийн 82 хувь нь, 16-17 насны хүүхдүүдийн 83 хувь нь вакцины нэгдүгээр тунд хамрагдсан. Цаашид бүүстер тунг эхлүүлнэ гэдэг байдлаар тооцоолол хийгээд явж байгаа талаар Ерөнхий сайд Л.Оюун-Эрдэнэ мэдээлсэн. 

Бүүстер тунг хийх эсэхийг ДЭМБ судалгаа хийж, дүгнэлт гаргахаар ажиллаж байгаа бөгөөд эцсийн шийдвэр хараахан гараагүй гэсэн үг. Юуны түрүүнд ДЭМБ дэлхийн бүх улс орныг вакцины эхний тунгуудад хамруулахад анхаарч буй. Хоёрдугаарт бүүстер тунг хэзээ хийх вэ гэдэг нь тодорхой байна. Гуравдугаарт вакцинуудыг хооронд нь хольж болох эсэх судалгаа хийгдэж байна.

 Вакцинжуулалтаар дэлхийд тэргүүлж байгаа эхний 15 улсын нэгэнд Монгол Улс багтжээ.  Ирэх аравдугаар сард дэлхийн шилдэг гурван туршлагаар Монгол Улсын ЭМЯ ДЭМБ-д илтгэл тавина.