Өмнөд Солонгос 500 мянган тонн хүмүүнлэгийн тусламж явуулна

Өмнөд Солонгосын шашны болон төрийн бус байгууллагууд Хойд Солонгост хүмүүнлэгийн тусламж болгож 500 мянган тонн цагаан будаа явуулахаар болсон тухай албан ёсоор мэдэгджээ.

 Түүнчлэн энэхүү мэдэгдэлд дурдсанаар тусламжийг Солонгосын хойг дээр үүссэн цаг агаарын хямралын үр дагаврыг давахад дэм болгох зорилгоор олон нийтийн байгууллагууд оролцсон зохион байгуулах тусгай комисс байгуулж байгаа юм байна.

 Тусламжийн 535 мянган тонн цагаан будааг Хойд Солонгос руу арваннэгдүгээр сар явуулах юм байна. Тусламжийн эхний ээлж болох 100 мянган тонныг намрын ургацын баяр болон энэ жил есдүгээр сарын 20-22 өдрүүдэд болох өвөг дээдсийн шарилыг тахих ёслолын өмнө нийлүүлнэ.

 Дээр дурдагдсан зохион байгуулах тусгай комисс нь тусламж үзүүлэх зорилгоор сайн дурын хандив болгож Өмнөд Солонгосын үйлдвэрчний эвлэлүүд, иргэд, бизнес эрхлэгчид, Солонгосын энх тайвны сан, хилийн чанад дах солонгосчуудаас нийт 300 тэрбум вон цуглуулахаар төлөвлөөд байгаа юм байна.

 Өмнөд Солонгосын хөдөө аж ахуйн эдийн засгийн хүрээлэнгээс хийсэн тооцоогоор энэ жил Хойд Солонгос нь цаг агаар өөрчлөлт, байгалийн гамшгийн улмаас 858 мянган тонн хүнсний бүтээгдэхүүний дутагдалд орно.

 Гэвч Хойд Солонгос нь коронавирусийн халдвар тархах аюул гэдгээ шалтаг заан хилийн чанадаас хүмүүнлэгийн тусламж авахаас татгалзаж байгаа тул Өмнөд Солонгосын тусламжийг хүлээн авах эсэх нь тодорхойгүй байгаа аж.