Б.Жавхлан: Цалин, тэтгэвэр нэмэх эсэх асуудал ирэх аравдугаар сард тодорхой болно

Засгийн газрын өнөөдрийн хуралдаанаар 20 гаруй асуудал хэлэлцсэн. Тодруулбал цар тахлын дараах эдийн засгаа дэмжих хуулийн төсөл болон Хөгжлийн банк, Төрийн банкны  хөгжлийн концепц чиг үүргийн нэмэлт байдлаар эрчимжүүлэх танилцуулга хийсэн.

Засгийн газрын хуралдаанаас гарсан зарим шийдвэрийг Сангийн сайд Б.Жавхлан танилцуулсан бөгөөд энэ үеэр түүнээс цалин, тэтгэврийг нэмэх үү гэж тодруулсан юм. Тэрбээр "Цалин, тэтгэвэр нэмэх тухай асуудлыг одоо ярихад эрт байна. Яг өнөөдрийн байдлаар 2022 оны төсвөө боож эхэлж байна. Хуулийн хугацаандаа буюу аравдугаар сарын 1 гэхэд ирэх оны  төсвийн төслийг УИХ-д өргөн барина. Тэр үед илүү тодорхой болно.Энэ онд ковидын үеийн төсвийн хүндрэлээс улбаалж цалин, тэтгэвэр нэмэгдээгүй. Өмнө нь инфляцитай уялдаж тогтмол нэмэгдэж байсан" гэлээ.