Вакцинжуулагдсан гэх хуурамч гэрчилгээ зараад 100 жил хорих ял авна

Америкийн Чикаго хотод ажилладаг Чжао Тантан гэгч Хятад гаралтай эм зүйч нь коронавирусийн эсрэг вакцин хийлгэсэн тухай хуурамч гэрчилгээ интернэтээр борлуулсан хэргээр баривчлагджээ. Тэрбээр энэ оны дөрөвдүгээр сард 125 ширхэг хуурамч гэрчилгээг 11 хүнд нэг бүрийг нь 10 доллароор зарж, нийт 1250 долларын орлого олсныг нотлох баримтаар тогтоосон байна. Ялихгүй хэрэг мэт санагдаж болох ч хэргийг Америкийн Хууль зүйн яамнаас мань хүнд нийт 12 зүйл ангиар ял тулгасан бөгөөд зүйл тус бүр дээр 10 жил хорих ял оноож тун магадгүй байгаа аж. Америкт хорих ялыг дүйцүүлэн хасаж тооцох зарчим байдаггүй бүх зүйл ангийн дагуу оноосон хорих хугацааг нийлүүлдэг тул Чжао Тантан нь нийт 120 жил хорих ял авч магадгүй болжээ.

 Юуны өмнө Чжао Тантан нь АНУ-ын Өвчин эмгэгийг хянах ба сэргийлэх төвөөс олгодог гэрчилгээг хуурамчаар үйлдэж борлуулсан тул түүнд АНУ-ын төрийн мэдлийн хувийн өмчийг хулгай хийсэн гэсэн холбооны түвшний маш хүнд ял тулгаж. Түүнчлэн төрийн бичиг баримт хуурамчаар үйлдсэн гээд бас нэг зүйл анги нэмэгдсэн бололтой. Хэргийг шалгаж байгаа ХМТ-ы төлөөлөгч Эммерсон Бьюи нь энэ талаар тайлбарлахдаа “Вакцин хийлгээгүй хүмүүст вакцинжуулалтад хамрагдсан тухай баримтыг санаатайгаар худалдсанаар гэмт этгээд нь олон сая америкчуудыг үхэх, хүнд гэмтэх эрсдэлд оруулсан. Нийт ард түмний аюулгүй байдлыг иймхэн мөнгөөр арилжсан нь COVID-19-ийн эсрэг тэмцэлд хувьд нэмэр оруулж байгаа хүн бүрийн доромжилсон хэрэг төдийгүй ноцтой үр дагавар бүхий холбооны түвшний гэмт хэрэг” гэжээ.