Э.Оюунболд улсын арслан Ц.Содномдоржоор гурав давлаа

Монгол улсад залуучуудын байгууллага үүсэж хөгжсөний 100 жил, Монголын Үндэсний Бөхийн Холбооны 30 жил, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан "Үндэсний бөх-Үнэт өв" бөхийн барилдаан гурвын даваа эхэллээ. Шүүхийн шийдвэрээр 1 жил барилдах эрхээ хасуулаад байсан улсын аварга Э.Оюунболд эрх нь сэргэсэн тул энэ удаагийн барилдаанд оролцож байна. Улсын аварга Э.Оюунболд гурвын даваанд улсын арслан Ц.Содномдоржийг амлан авсан билээ.
Бөхчүүд улсын аварга Э.Оюунболдыг барилдаж байгааг эсэргүүцэж, ам авахгүй гэсэн ч ам авч барилдлаа. Улмаар барилдаанд улсын аварга Э.Оюунболд улсын Арслан Ц.Содномдоржоор гурав давжээ. Хоёр бөх өмнө нь таарч, барилдсан барилдаануудад улсын аварга Э.Оюунболд гурван удаа, улсын арслан Ц.Содномдорж зургаан удаа давж байсан удаатай