БОАЖЯ: Энэ жил баруун аймагт самар муу ургасан, тиймээс самар түүхийг хориглож магадгүй

Самарчид модыг мунаар цохиж дахин ургахгүйгээр гэмтээдэг. Үүнээс гадна хамгийн том хохирол нь байгаль сүйдэж, ан амьтад идэх самар үлдээхгүй хуу хамаад түүчихдэг. Журамдаа бол 30 хувийг нь түүж аваад 70 хувийг байгальд үлдээх ёстой. Үлдсэн самар нь байгальд мод болж ургахаас гадна амьтад хооллодог. Жил бүр самарчдын гарт байгаль, ногоон ойгоо сүйддэг энэ байдлыг энэ жил давтахгүйн тулд самар түүхийг хориглох шаардлагатай гэсэн асуудлыг ЗАРИГ хөндөж байна. 

Энэ талаар бид БОАЖЯ-ны Ногоон бодлого зохицуулалтын газрын дарга Э.Сансарбаяраас тодрууллаа.Тэрбээр" Монгол орны нийт ойн ес хүрэхгүй хувийг хуш мод эзэлдэг. Есдүгээр сарын 10-наас ирэх оны гуравдугаар сарын 15-ныг хүртэл ахуйн болон үйлдвэрийн зориулалттай бэлтгэхийг зөвшөөрдөг. Тухайн орон нутгаас самрын ургацыг тогтоодог ба 50 хувиас дээш байвал түүхийг зөвшөөрдөг хуультай. Их ургац дөрвөн жил тутамд тохиодог ба наймдугаар сардаа багтаад ургацын хувь хэмжээг орон нутгаас тогтоодог. Аймгуудаас тодорхойлолт ирэхэд нь ойн судлалын төв дүгнэлт гаргаж түүж болох эсэхийг тогтооно. Урьдчилсан байдлаар Баруун аймгуудын самар муу  ургасан, төвийн нутгаар 50 хувиас дээш ургацтай байх магадлалтай байгаа. Харин 50 хувиас доош хувийн ургацтай байвал тухайн бүс нутагт самар түүлгэхгүй" гэлээ. 

ҮРГЭЛЖЛЭЛИЙГ ВИДЕО-гоос үзнэ үү.