"АН дотоод эв нэгдлээ хангах эсэхийг шийдсэний дараа нэр дэвшигчдийг тодруулна"

Ардчилсан намаас /АН/ нөхөн сонгуулийн талаар өнөөдөр /2021.08.16/ мэдээлэл хийлээ.

УИХ-ын хоёр тойрогт явагдах нөхөн сонгууль энэ оны аравдугаар сарын 10-нд болно. Өнгөрсөн Баасан гариг Сонгуулийн Ерөнхий хорооноос нөхөн сонгуульд оролцох есөн нам, нэг эвсэлд батламжийг нь гардуулсан. Тухайлбал, М.Тулгат даргатай АН-ыг албан ёсоор УИХ-ын нөхөн сонгуульд оролцохыг батламжилсан. Тиймээс АН нөхөн сонгуульд оролцох бэлтгэл ажлыг хангах хүрээнд  хоёр ажлын хэсэг байгуулагдсан талаар өнөөдөр мэдээллээ. Тодруулбал, Хэнтий аймагт болох нөхөн сонгуулийг АН-ын нарийн бичгийн дарга Б.Гарамгайбаатар, Сонгинохайрхан дүүрэгт  болох нөхөн сонгуулийн ажлын хэсгийг АН-ын дэд дарга Р.Эрдэнэбүрэн  ахалж ажиллах юм байна. 

Тус ажлын хэсгүүд эхний удаад АН-ын нөгөө талтай сонгуульд нэгдэж орох талаар зөвшилцөлд хүрэхэд санал, санаачилга гаргаж ажиллана гэв. Үүний дараа нөхөн сонгуульд хэн, хэнийг нэр дэвшүүлэх вэ гэдгийг шийдэх аж. 

Нөхөн сонгуульд нэр дэвших нэр дэвшигчид ирэх едүгээр сарын 1 гэхэд тодорно.