“Яармаг” худалдааны төвийн зүүн уулзвараас хойших 0.8 км шинэ замын ажил 85 хувьтай үргэлжилж байна

Хан-Уул дүүргийн 5-р хороо  “Яармаг” худалдааны төвийн уулзвараас хойших 0.8 км авто замын ажлын явц 85 хувьтай байна. Тус замын ажлын хүрээнд цементээр бэхжүүлсэн суурь, далангийн дүүргэлт,  хашлага суурилуулах, асфальт бетон хучилт, борооны ус зайлуулах шугам, хэвтээ тэмдэглэгээний ажлууд хийгдэж, авто замын зорчих хэсэг бүрэн дууссан. Тухайн авто замын явган хүний замын трасст 25 нэгж талбар өртсөнөөс таван нэгж талбарыг бүрэн чөлөөлсөн, 20 нэгж талбарыг чөлөөлөхөөр ажиллаж байна.