Хөвсгөл нууранд живсэн машин, техникийг татан гаргахгүй бол шатахуун нууранд асгарах эрсдэлтэй

Монгол Улсын Засгийн газрын 2020 оны “Хөвсгөл далайн бохирдлыг бууруулах талаар авах арга хэмжээ”-ний тухай 193 дугаар тогтоол, Байгаль орчин аялал жуулчлалын сайдын 2021 оны гуравдугаар сарын 9-ний өдрийн А-74 тоот тушаалын хүрээнд Байгаль орчин, аялал жуулчлалын сайд Н.Уртнасангаар ахлуулсан Ажлын хэсэг өнгөрсөн амралтын өдрүүдэд Хөвсгөл нууранд ажиллажээ. 

Тодруулбал, Засгийн газрын 193 дугаар тогтоолыг тухайн үеийн Ерөнхий сайд У.Хүрэлсүх гаргаж, Хөвсгөл нуурыг хамгаалах, бохирдлыг бууруулах зорилгоор нуурт живсэн машин, техникийг илрүүлэх суурь судалгааг хийж, татаж гаргах ажлыг эрсдэлгүй, шуурхай зохион байгуулан ажиллахыг Байгаль орчин, аялал жуулчлалын сайдад даалгаж байсан. 

1950 оноос хойш Хөвсгөл нууранд нийтдээ 50 гаруй машин, техник живсэн гэсэн тооцоо байдаг ажээ. Эдгээр машин, техникийг татан гаргахгүй бол шатахуун нь нууранд асгарч, Хөвсгөл нуурыг бохирдуулах эрсдэлтэй юм. 

Энэ талаар Байгаль орчин, аялал жуучлалын яамнаас, “Хөвсгөл нуурын бохирдлыг багасгах цогц ажлынхүрээнд эхний ээлжид Хөвсгөл нуурт живсэн Сүхбаатархөлөг онгоцыг татан гарахаар төлөвлөсөн. Энэ хүрээндаврагч, шумбагчид нуурт живсэн хөлгийн нарийвчилсанхэмжилтүүдийг хийн, нөхцөл байдлыг үнэлэх, шаардагдах техник хэрэгслийн тооцоо судалгааггаргана. Мөн БОАЖЯ-ны Усны бодлого зохицуулалтын газрын мэргэжилтнүүд тус нуурын шаардлагатай 5-6 цэгээс усны дээж авч, шинжилгээ хийж байна” хэмээн мэдээлжээ.