Математикчин бүсгүй олимпын аварга боллоо

Токио-2020 олимпын наадмын дугуйн холын зайн уралдааны эмэгтэй төрөлд Австрийн Анна Кьесэнхофер түрүүлж олимпын аварга болсон. 
Анна бол зүгээр ч нэг спортын тамирчин, олимпын аварга биш. Тэр оюуны хөдөлмөр эрхэлдэг, математикчин бүсгүй бөгөөд өдгөө Лозанн дахь Холбооны Политехникийн сургуульд судлаачаар ажилладаг. 2011 онд Вена хотын Техникийн их сургуулийг төгсөөд, 2012 онд Кембрижийн их сургуулийг мастер, 2016 онд Испанийн Каталоны политехникийн их сургуулийг докторын зэрэг хамгаалсан. 
Анна академик чиглэлийн судлаачид, математикчид нүдний шилэнд дарлуулан суудаггүй гэдгийг харуулж спортоор хичээллэж олимпын аварга болж байна. Тэр 2011-2013 онд триатлоны спортоор хичээллэж байгаад бэртэл авснаар триатлоны спортыг орхин 2014 оноос дугуйн спортоор эрчимтэй хичээлэж эхэлжээ. Судалгааны ажлынхаа зэрэгцээ дугуйн спортоор 10 хүрэхгүй жил хичээллээд олимпын аварга болж байна.