АНУ-ын усанд сэлэгч Калеб Дрессел нэг олимпоос 5 алтан медаль хүртлээ

Токио-2020 олимпын наадам өндөрлөх шатандаа ороод байна. Усан спортын сэлэлтийн төрлийн тэмцээнүүд өндөрлөөд байгаа бөгөөд усанд сэлэлтийн төрөлд АНУ 11 алт, 10 мөнгө, 9 хүрэл нийт 30 медаль хүртсэн амжилтаар тэргүүлсэн. 
АНУ-ын 11 алтан медалийн 5-г нь Калеб Дрессел хүртсэн. К.Дрессел Токиогийн олимпын наадмаас 50 метрийн чөлөөт, 100 метрийн чөлөөт, 4х100 метрийн чөлөөт, 100 метрийн эрвээхэй, 4х100 метрийн холимог төрөлд түрүүлж алтан медалийг энгэртээ зүүсэн. Тэр зүгээр ч нэг олимпын алтан медалиудыг түүсэнгүй. Ганцаарчилсан хувийн төрөлдөө бүгдэд нь олимп, дэлхийн рекордыг шинэчилсэн. 
Америк залуугаас өмнө НЭГ ОЛИМПЫН НААДМААС 5 буюу түүнээс дээш медаль хүртсэн 4 тамирчин байсан юм. 
1. АНУ-ын домогт тамирчин Майкл Фелпс Рио-2016 5 алт, Бээжин-2008 8 алт, Афин-2004 6 алт (замналдаа олимпоос 23 алтан медаль хүртсэн) медал
2. АНУ-ын тамирчин Марк Спитц 1972-Мюнхен 7 алт
3. Германы тамирчин Кристин Отто 1988-Сөүл 6 алт
4. АНУ-ын тамирчин Мэтт Бионди 1988-Сөүл 5 алт