Улаанбаатарт 220, орон нутагт 799 хүнээс халдвар илэрлээ

Монгол Улс дахь коронавирусийн нөхцөл байдлын мэдээг 2021.08.03-ны 11.00 цагийн байдлаар  танилцууллаа. 

Сүүлийн 24 цагт улсын хэмжээнд 1029 хүнээс коронавирусийн халдвар илэрсэн байна. Бүртгэгдсэн тохиолдлын 220 нь Улаанбаатарт, 799 нь хөдөө, орон нутагт бүртгэгдсэн байна. Ингэснээр Монгол Улсын батлагдсан тохиолдлын тоо 167229 боллоо.

Өнгөрсөн хоногт 2280 хүн эдгэрчээ. Түүнчлэн сүүлийн 24 цагт 41-80 насны дөрвөн хүн коронавирусийн халдвараар нас барж, нийт нас баралт 827 боллоо.

Өнөөдрийн байдлаар эмнэлэгт 9293 хүн хэвтэн эмчлүүлж байгаа бөгөөд үүнээс 5733 нь хөнгөн 2573 нь хүндэвтэр, 832 хүнд, 155 хүн маш хүнд байна. Хэвтэн эмчлүүлэгчдийн 1723 нь хүүхэд 335 нь жирэмсэн эмэгтэйчүүд байгаа юм. Гэрийн хяналтад 9516  хүн өрхийн эмчийн хяналтад эмчилгээ үйлчилгээ авч байна.