М.Анхцэцэг дөрөвдүгээр байранд шалгарлаа

Олимпын наадмын хүндийг өргөлтийн эмэгтэйчүүдийн 87 кг-н жинд өрсөлдсөн МУГТ Мөнхжанцангийн Анхцэцэг нийлбэр 252 кг-г өргөлөө. Огцом өргөлтөөр 110 кг-г өргөсөн бол түлхэлттэй өргөлтөөр 142 кг-г өргөсөн. Манай тамирчин огцом өргөлтөөр 3 дахь буюу сүүлийн захиалгаа 120 кг-г захиалж өргөсөн ч тохойгоо түлхсэн гэж үзэж тооцоогүй. Ингээд огцом өргөлтийн 110 кг-г өргөж түлхэлттэй дасгалд орсон. Түлхэлттэй өргөлтөөр эхний оролдлогоо 140 кг-г өргөсөн ч мөн алдаа гаргасан гэж үзэж тооцоогүй. Харин дараагийн захиалгаар 142 кг өргөсөн. Ингээд сүүлийн захиалгаа амжилтгүй болгож 252 оноотой өндөрлүүлсэн. Хүрэл медалийг хүртсэн БНДоминакан улсын тамирчин нийлбэр 256 оноогоор олимпын хүрэл медаль хүртсэн.
Ийнхүү Монгол Улсын хүндийг өргөлтийн тамирчин М.Анхцэцэг түүхэн амжилт үзүүлж, олимпын наадмын хүндийг өргөлтийн төрөлд хамгийн өндөр амжилтыг үзүүлж 4-р байранд шалгарлаа.