​ Италийн Марселль Яков дэлхийн хамгийн хурдан гүйгч боллоо

Токио-2020 хөнгөн атлетикийн тэмцээнүүд 7 сарын 30-ны өдөр эхэлсэн. Спортын хатан хаан хөнгөн атлетикийн тэмцээн нь хамгийн их үзэгчдийг татдаг төрөл юм. Өчигдөр эрэгтэйчүүдийн 100 метрийн финалын шатны уралдаан явагдаж Италийн Марселль Яков 9.80 сек-н амжилтаар түрүүлж олимпын аваргын алтан медалийг хүртсэн.
Дэлхийн хамгийн хурдан хүнээр тодорсон Итали гүйгч Марселль Яков тив, дэлхийн рекордыг шинэчилж чадаагүй ч Токиогийн олимпын наадмын хамгийн дээд үзүүлэлтийг гүйцэтгэж түрүүлсэн. Мөн түүний ялалт нь Итали улсын олимпын наадмын 100 метрийн гүйлтийн төрлийн анхны алтан медаль болсон байна.