Л.Отгонбаатар​: Итгэлийг нь алдсанд уучлаарай

Жүдо бөхийн эрэгтэйчүүдийн -100кг жинд Монгол Улсын Гавьяат тамирчин Л.Отгонбаатар шөвгийн 16-д 2020 оны Европийн залуучуудын аварга Израилийн Петер Пальчиктай барилдаж, нэмэлт цагт базари үнэлгээгээр ялагдаж, олимпын наадмын тэмцээнээ дуусгасан юм.

Монгол Улсын Гавьяат тамирчин Л.Отгонбаатар: “Олимпод хоёр дахь удаагаа оролцлоо. Медаль авахыг зорьж, дөрвөн жилийн хугацаанд бэлтгэлээ хийсэн. Ялагдлаа. Өрсөлдөгчөө ялах боломжтой байсан.Тактикын дагуу барилдаж байгаад уначихлаа. Харамсалтай барилдаан боллоо.Намайг олимпоос медаль авна гэж маш олон хүн итгэж, дэмжиж  байсан. Маш их харамсалтай байна. Намайг үргэлж дэмждэг шигшээ багийн дасгалжуулагч нар, анхны багш Ц.Шийрэв багшдаа, “Сүлд” спорт хороо, УСУГ, НВЦ группийн хамт олонд баярлаж явдаг шүү. Итгэлийг нь алдсанд уучлаарай гэв.