Сураггүй болсон дөрвөн хүнийг хайхаар ЗХЖШ-ын "Ми-171" онгоцыг хөөргөх гэж байна

Сэлэнгэ аймгийн Ерөө сумын Бугант тосгон Эрээн гол гэдэг газарт самарт явсан 33-58 насны гурван эмэгтэй, нэг эрэгтэй алга болоод 20 хонож байна. Тухайн газар нь шигүү ойтой тул мориор болон явган явахад маш хүндрэлтэй талаар алга болсон иргэдийн ар гэр ярьж байна. ЦЕГ-аас ОБЕГ-тай хамтран энэ сарын 17-ноос хойш  мориор болон явганаар 300 км газарт хайлт хийсэн ч үр дүнд хүрээгүй талаар мэдээлсэн.

ОБЕГ-аас “нисдэг тэрэг нэг цаг нисгэхэд 4,5 сая төгрөг байдаг.Нисдэг тэрэг дөрвөн цаг хөлслөхөд ойролцоогоор 20 гаруй сая төгрөг шаардлагатай учир сайхан сэтгэлт иргэдээсээ ар гэрийнхэн нь тусламж хүсээд байгаа юм. Тэгвэл зариг.мн сайтаар  /2021.07.20/-ны оройн 21:20 минутад цацагдсан шууд дамжуулалтаас/2021.07.22/ 10 цаг хүртэл 11 сая 723 мянган төгрөг цугларчээ.

Өчигдөр цагдаагийн байгууллагаас ОБЕГ-т агаарын дэмжлэг  үзүүлэх хүсэлт илгээснээр ЗХЖШ-аас Ми-171 онгоц яг одоо Сэлэнгэ аймгийн Ерөө сумын нутаг дэвсгэр Эрээнгол гэх газар луу алга болсон дөрвөн иргэнийг хайхаар хөөрөх гэж байна.